Corpus Van Reenen-Mulder (CRM14): Oorkonde E685r37101

@ @ Alle den ghenen die desen brief sellen sien of horen lesen doe ic verstaen willam betten sone dat ic ghehuert @ hebbe teghen joncfrou Ermegaerd van + den wiel ende joncfrou lysebet van scalcwiic meystersteren in deser @ tiid opten beghiinhove tutrecht dre morghen ende ander + half hont lands die den hof voorseyt toebehoren @ opte zuutside gheleghen in eenre halue hoeve lands in speynghen in ghisebrecht boekels gherechte van + der @ hare voorseyt @ daer Euerd dyderics soons kiindere ende gillis winckel boven naest ghelant siin ente heren @ van zinte iohanne beneden te + bruken tot enen eweliken erfpacht Elx iaers om vier pont alsulx paeyments alse in der tiid der betalinghe ghenghe ende gaue wesen zel binnen vtrecht te + betalen vry ende @ kommerloos te + leueren opten beghiinhoue voorseyt op miins selfs cost anxst ende arbeyt de ene @ helft op zinte martiins dach in den winter ente ander helft op zinte peters dach ad Cathedram @ of binnen viertien daghen na elken termine voorseyt onbegrepen Ende dit sel wesen vry ghelt zonder @ enich ofcortinghe ofte verminringhe hoors voorseyden pachts het zi van ouden werke of van nywen @ werke of van scattinghe of van anders enighen onghelde ende claerlike van allen onrade de nv opten @ seluen lande leyt of hiir namaels daer op vallen mochte voort siint vorwaerden so wanneer dat ic oflivich werde dat dese erfpacht van + den voorseyden lande comen sel ende erven op herman minen sone @ ende na siinre doot op hermans rechte erfnamen Ende waert dat ic of herman voorseyt of siin erfnamen desen pacht iaerlix nyet en betaelden tot elken termine in allen manyeren alse voorscreuen is @ so vallen wi van desen erfpacht ende claerlike van allen rechte ende toesegghen dat wi hadden an desen @ voorseyden lande Ende so coomt dat selue land weder vry ende los an den meystersteren ende an + den @ hove voorseyt horen vryen wille daer mede te + doene sonder yemants weder~segghen Ende behouden hem vmmer al hoors versetens pachts Ende op~dat dit vast ende stade bliue so hebbe ic willam @ betten sone ghebeden ghisebrecht boekel van + der hare desen brief ouer mi te + beseghellen mit @ sinen seghel tenen oorconde want ic selue ghenen seghel en hebbe op dese tiid Ende ic ghisebrecht boekel van + der hare knape hebbe om bede wille willam betten sone minen seghel an desen brief @ ghedaen tenen oorconde ghegheuen jnt iaer ons heren dusent dre + hondert een ende tseventich @ des saterdaghes na pinxsteren