Corpus Van Reenen-Mulder (CRM14): Oorkonde E690r38201

@ @ Alle den ghenen die desen brief zellen zien of horen lesen Doe jc verstaen / Jacob dalinc Scoute jn zweesserenghe jn + der h_en @ gherechte van zulen / Dat voer mi quamen en_ voer de lantghenoten / en_ buere de hiir na bescreuen staen jnt + gherecht @ voerseyt gheriit pot / en_ gabriel jan pots soen ziin broeder johan vrederiine en_ aliit gabriels kiind_en voers_ de hi hadde @ bi joncfrou vrederic / . zinen wiue baudekiins dochter van Rutenberch En_ aldaer so gauen gheriit pot en_ gabriel ziin @ broeder mit hoers zelfs hant voer hem zeluen / johan vrederiine en_ aliit gabriels kiind_en voers_ gauen mit hande hore maghe @ van horen vier + verndelen / die daer tieghenwoerdich waren / tydeman trinden vrederic en_ johan zinen broed_en den Ey-ghendom van + der helfte van twe hoeuen lands . en_ van + den steghe~acker egghen en_ eynden mit allen horen toebehoren alse @ gheleghen ziin jn + den voerscreuen gherechte / daer den h_en van zinte johanne tutrecht en_ joncfrou alyden johan pots dochter @ de ander helfte van + den seluen twe hoeuen lands en_ van + den steghe~acker onderdeelt of toebehoert / En_ gheriit pot gabriel @ ziin broeder en_ gabriels kiind_en voerseyt verteghen daer of en_ claerlike van alle rechts en_ toe~segghens . dat zi hadden @ an + der helfte van + den voerseyden twe hoeuen lands en_ an + der helfte van + den steghe~acker voersc_ tot behoef tyman trinden @ vrederics en_ johans ziinre broeders voersc_ alse recht en_ oerdel wiisde dat zi sculdich waren te doene . / Mede is den @ gherechte kenliken / dat joncfrou margriete de gheriit pots wiif was . en_ hoer kiind_en te~voren verteghen hadden van alle rechts en_ toe~segghens dat zi hadden an + den voerseyden goede tot behoef johan pots kiind_en alse recht is en_ zi @ sculdich waren te doene / hiir waren ouer doe dit ghesciede peter van compestelle ghisebrecht beernds soen willam hughen @ zoen alse lantghenoten / herman knoep . johan knoep claes wouters soen alse buere jn + den gherechte voersc_ en_ anders veel @ goeder lude . Ende op~dat dit vast en_ stade bliue So hebben wi jacob dalinc Scoute . peter van compestelle en_ ghisebrecht beernts @ soen voerseyt onse seghelle aen desen brief ghedaen tenen orconde . Ende want wi willam hughen soen herman knoep johan knoep @ en_ claes wouters soen voerseyt selue ghene seghelle en hebben So orconde en_ tughe wi dit onder deser voerghenoemder seghelle @ want wi hiir mede ouer en_ ane waren alse voersc_ is Ende hebben hem ghebeden desen brief mede ouer ons te beseghellen tenen orconde @ ghegheuen jnt jaer ons h_en dusent drie + hondert twe en_ tachtich des sonnendaghes na zinte pouwels dach jn + den afterwinter