Corpus Van Reenen-Mulder (CRM14): Oorkonde E690r38601

@ @ Alle den ghenen Die desen brief soelen sien of horen lesen doe + ic verstaen Steuen van zulen Ridder dat @ gekomen is voer my en_ voer mijn manne die hier na bescreuen staen aernt goetscalc en_ droech op @ in mijn hant als die manne wijsden dat recht was dien tyende van + den riesthe ende den tyende van + de_ @ kampe die theinden den riesthe leghet grof en_ smal mit allen horen thoebehoren en_ verteech daeraf als recht was / Doe dit gedaen was doe beliende ic rechteuoert mense peter reiners soens soen dien @ tyenden van + den riesthe en_ dien tiende van + den kampe die theinden den riesthe leghet grof en_ smal @ mit alle_ horen thoebehoren te houden van mi en_ van minen na~comelyngen hij en_ sijn nacomelynge_ @ tot enen onversterfelicken leen te verheergewaden alst besterft mit eenre take wijns en_ mit enen blancken @ beker hier waren ouer mine manne euert taetsche ludeman ludemans soen en_ anders voele @ goder lude die dit mede hoerden en_ sagen jn oerkonde des Soe heb ic mijn Segel an desen brief @ gehangen Gegeuen int jaer ons heren dusent drye + hond_t Ses en_ tachtentich des zonnendag_ @ na onser vrouwen dach natiuitas