Corpus Van Reenen-Mulder (CRM14): Oorkonde E690r39301

@ @ Alle den ghenen die dezen brief zellen zien of horen lezen . doe ic v_staen / herman knoep @ Scoute in + den gherechte tot zulen / dat voer mi en_ voer die lantghenoten en_ buere / die hijr na @ bescreuen staen / quam jnt gherechte / dyderic Rusche / En_ begheerde / Eens ordeels / of dat zesten + deel @ van + der helfte / van + den tween hoeuen lants / also alse tezamen gheleghen ziin / onderdeelt / in + den gherechte @ voerscreuen / daer den h_en van zinte johanne / joncfrou aleyden / johan pots dochter / Tydeman @ trinden en_ vrederic trinden / dat ander deel of toebehoert / also / vry en_ also los zine waer / dat hi dat @ vrylic mochte verzetten / verzellen en_ den eyghendom / of~gheuen / dien hi woude / ende hem wart ghe-wijst / mit rechte en_ mit ordele / dat hijt wel doen mochte / en_ dat die ghifte mit rechte stadicheyt @ hebben zel / En_ aldaer zo gaf dirc Rusche voerzeyt / voer hem / en_ voer joncfrou lyzebetten zinen @ wiue / Euerd trinden dochter / daer hi tot dier tijd wittelike boerte bi hadde / Tydeman trinden @ en_ vrederic trinden zinen broeder voerscreuen / den eyghendom van + den voerzeyden zesten + deel van @ der helfte / van + den tween hoeuen lants voerscreuen / ende alle rechts dat hi daer aen hadde / Ende @ verteech daer of / tot behoef / Tydeman trinden en_ vrederic trinden voerscreuen / alse recht @ en_ ordele wijsde / dat hi sculdich was te + doen / endet mitten rechte stadicheyt hebben zel / Mede @ zo is mi en_ den lantghenoten enten bueren kenlic / dat willam scade van tulle / voertijds Jnt @ gherechte ghegheuen heeft voer hem en_ voer joncfrou aleyden zinen wiue euerd trinden dochter @ daer hi tot dier tijd wittelike boerte bi hadde / dirc Russchen voerzeyt / den eyghendom van enen @ twaleften + deel / en_ alle rechts dat hi hadde aen der voerzeyder helfte / van + den tween hoeuen lants @ voerscreuen / En_ daer of verteghen heeft tot dircs behoef vorghenoe_t . hijr waren ouer en_ @ ane doe dit gesciede / aernt van opbueren / willam spiker / Coziin van + den grotenhuys / gherijd yze-brants zoen / en_ johan knoep / lantghenoten en_ buere / in + den gherechte voerscreuen / en_ anders @ veel goeder lude / Ende op~dat dit vaste en_ stade bliue / zo hebben wi herman knoep Scoute / @ + en_ coziin van + den grotenhuys voerscreuen onze zeghelle aen desen brief ghedaen / . tenen orconde / @ + ouer ons seluen / en_ ouer aernt van opbueren / willam spiker / gherijd yzebrants zoen en_ iohan knoep @ voerscreuen / om hore bede wille / en_ wi aernt / willam / gherijd / en_ iohan voerscreuen / orconden en_ @ tughen dit / onder dezer vorghenoe_der zeghelle / en_ hebben hem ghebeden / dezen brief mede ouer ons te + bezeghellen / want wi daer mede ouer en_ ane waren . daer dit ghesciede / alse hijr voer + be-screuen staet / ghegheuen jnt jaer ons h_en duzent + / dre + hond_t + / dre en_ tneghentich / des zaterdaghes @ na jaers~dach : -