Corpus Van Reenen-Mulder (CRM14): Oorkonde E691r39401

@ @ Alle den ghenen die dezen brief zellen zien of horen lezen doe ic verstaen heyne zasse Scoute in + den achtienhouen in + des proefst gherechte van sinte iohanne @ tutrecht dat voer mi ende voer die lantghenoten ende buere die hier na bescreuen staen quam Jnt + gherechte alfaer van + der a ende toende @ enen opene + brief gans ende gaue ende wel bezeghelt mit zeghel der stat van amersfoerde onghecanceleert en_ ongherazeert spreken-de van woerde te + woerde aldus (onleesbaar) doe dat ghedaen was aldaer zo @ gaf alfaer van + der . a . voers_ alzo alze hi ghemachticht is aernt van + den velde des voerzeyden braems zoen den eyghendom van + der @ haluer hoeue lants voerzeyt daer die voerscreuen opene + brief of spreect Ende verteech daer of tot aernts behoef van + den velde @ voerghenoemt alze recht ende oerdele wiisde dat hi sculdich was te + doen endet mitten rechte stadicheyt hebben zel Ende dezen eyghendom @ van + der haluer hoeue lants voerscreuen ontfenc aernt van + den velde voerzeyt tot behoef joncfrou aleyde ziins wiifs / euert @ scouten dochter / ende die mit joncfrou aleyden medegaue voers_ / witteliken en_ wel ghecoft en_ betaelt is / . . hijr waren ouer en_ ane daer dit @ ghesciede / jacob van + den vene iohans zoen / euerd zasse / peter zasse / roelof snellaerts zoen / en_ aernt willams zoen / lantghenoten en_ buere / in + den ghe-rechte voerscreuen / en_ anders veel goeder lude / En_ op~dat dit vaste en_ stade bliue / zo heb ic heyne zasse Scoute voers_ / minen zeghel an + desen @ brief ghedaen / Tenen orconde . / ouer mi zeluen / en_ ouer die lantghenoten / en_ buere voerscreuen / om hore bede wille / En_ wi lantghe-noten en_ buere voerscr_ / orconden dit en_ tughen / onder des Scouten zeghel voerseyt / en_ hebben hem ghebeden / dezen brief mede ouer ons @ te + bezeghellen / . want wi daer mede ouer en_ ane waren / daer dit ghesciede / als hijr voer + bescreuen staet / . ghegheuen jnt jaer @ ons h_en duzent + / dre + hond_t + / vier en_ tneghentich / des zonnendaghes na onzer vrouwen dach natiuitas : ~ ~