Corpus Van Reenen-Mulder (CRM14): Oorkonde E692r30901

@ @ Al den ghene_ de desen brief sien sellen / of hore_ lesen / doe wi v_staen / deken / kamerare_ / ente mene broder-scap van onser vrouwen broderscap tot vtrecht / dat tideman van sconegge / onse broder / ontvanggen heeft @ van hare_ ghisebrecht van der mere / ridder / tot onser vrouwen broderscap behoef / ene_ vrien eygendoem @ va_ tyen morghen lants / de ghelegen sijn / op marcen~vene / in Sueders gherechte van apcoude / ghelegen an hare_ @ ghisebrechts hofstede vorghenoemt / tuschen vern alide lant vrouwe van den bosche / en_ egbrechts hoers @ soens / an + der ouer~side / en_ tuschen der heren lant van sinte janne tutrecht an + der neder~side . desen vorghe-noemden eygendoem van desen vorghenoemden lande / ente seuen pont gelts / de ons haer ghisebrecht vorghe-noemt / jaerlix sculdich is daer of te gheue_ / alse de hantvesten spreken / de daer op ghemaket sijn / de sel tide-man vorghenoemt / vrielike ghebruken / en_ opboren / tot sire lijftochte also langge alse hi leeft / sonder @ enigherhande weder~seggen . En_ waer dat sake dat tideman vorghenoemt yet ontbrake jaerlix va_ @ desen vorghenoemden pachte / en_ va_ deser vorghenoemder rente / tot elken pachtdagen alst gheboert / alse @ de hantfesten spreken / de daer op ghemaket sijn / dat sel hom / onse mene broderscap vorghenoemt / vervullen / tot elker tijt alst gheboert / sonder enigherhande weder~seggen . En_ op~dat dit vast en_ stade @ bliue sonder alrehande argheyt / so heb wi . . Deken / . kamerare_ / ente mene broderscap / va_ onser vrouwe_ @ broderscap vorghenoemt / desen brief besegelt / mit onsen segel va_ onser vrouwen broderscap vorghenoemt @ ghegheue_ int jaer ons here_ . M˚ + . ccc˚ + . en_ negen / des donresdaechs na sinte tyburcius dach ~ ~ ~