Corpus Van Reenen-Mulder (CRM14): Oorkonde E692r33901

@ @ Alle de ghenen die desen brief sellen sien of horen lesen . Doe wi verstaen aleyd witte @ @ + en_ iutte van scalcwijc procuratoers en_ ghemene joncfrouwen van den begghine~houe @ tutrecht en_ orconden mit desen brieue dat ons odely van werconden in aelmossen gheghe-uen heeft ene halue hoeue lants die gheleghen is te werconden daer de heren van sinte @ johanne naest ghelant sijn an + de over~side en_ elyaes trants kindere an de neder~side jn @ desen manieren dat odely voerseyt dese voerghenoemde halue hoeue lants in lijftochte behouden sel also langhe alse si leeft en_ nae hoerre doot so sel broeder godeuaert van den @ hospitale van sinte johans ende dyderic godeuaerts sone van vtrecht deser voerseyder odelye_ @ neven die selue halue hoeue lants in bruucwere hebben also langhe alse hoerre enich va_ @ hem beden leeft en_ na + der lester doot van hem tueen so sel wendelmoet des voerseyden broeder @ godeuaerts moeder waer dat si dan in liue ware de voerseyde halue hoeue lants in bruucwere @ hebben also langhe alse si leeft en_ na hoerre doot so sel margriete godeuaerts dochter van vtrecht @ dese selue halue hoeue lants in bruucwere hebbe_ also langhe alse si leeft en_ des sullen wi he_ alle_ vrilike @ laten ghebruke_ sonder weder~segghen maer tens der lester doot van hem allen de hier voer ghenoemt sijn so @ sulle wi of onse nacomelinghe wt~reken en_ betalen odelien rechten erfnamen de ene helfte van + der halue hoeue la_ts @ te + betalen tien pont voer een voert de ander helft te + bliuen op @ hof odelien iarichtijt te petanci mede te doene . Jn oerconde des briefs beseghelt mit ons hoefs seghel ghegheuen int iaer ons heren dusen dre + hondert en_ neghen en_ dertich @ des sonendaghes na pinsteren ~ ~ ~