Corpus Van Reenen-Mulder (CRM14): Oorkonde E692r37901

@ @ Alle den ghenen die desen brief zellen zien of horen lesen Doe wi verstaen . gheriit vten boemgaert en_ lourens @ de lose ziin wiif dat wi ghehuert hebben . teghen den deken . Ente ghemene broeders van + der meerre kalander~broederscap tutrecht Een viertel lands . egghen en_ eynden also alse gheleghen is . in linschotenre kerspel bi + d_ eyer . die gheheten @ is die peerdecamp . daer herman vos kind_en bouen naest ghelant siin Ente vrouwe van holensteyn beneden . tot @ onser twyer liue Elx jaers om viif goede oude vrancrijcsche scilde goet van goude van volre wichte en_ van goeder @ maten of payment daer voer dat daer goet voer is / binnen vtrecht in elker tiid der betalinghe . vriis pachts @ Te betalen den deken Enter broederscap voerseyt of horen ghewaerden bode . en_ kommer~vry binnen vtrecht te @ leu_en alse die ene helfte tot sinte martiins misse jn + den winter nv naest comende En_ die ander helfte tot zinte @ peters misse ad cathedram daer naest comende of binnen eenre maent na elken termine voerseyt onbegrepen @ En_ also voert jaerlix also alanghe alse wi leuen of ? onser van ons beyden in leuenden liue is . zonder enigherhande @ ofcortinghe of verminringhe ons voerseyden pachts . van enighen onghelde ofte onrade dat nv daer op leyt @ of hiir namels daer op vallen mach wtghenomen waert dat die bisscop van vtrecht ene ghemene scattinghe @ vercreghe ghemeenlijc in zinen lande van vtrecht alse van morghen~ghelde bi Consente en_ wille ziinre ghemeenre Ecclesien ridd_en en_ knapen Enter steden in zinen lande daer en zel wi niet toe ghelden . Mar @ wi sellent wtlegghen . en_ zi zellent ons weder ofcorten van horen pachte voerscreuen . Voert zind vorwarde @ waer dat zake dat wi desen voerseyden pacht jaerlix niet en betaelden tot elken termine alse voerscreuen @ is . So vallen wi van deser hueren en_ Claerlike van alle rechts / en_ toe~segghens dat wi hadden an + den voerseyden @ lande / En_ so coemt dit voerseyde lant vry en_ ledich aen den deken en_ broederscap voerseyt horen vryen @ wille mede te doene also verre alse ziit op~nemen willen . behouden hem nochtan al hoers versetens pachts . Zonder alrehande archeyt Ende op~dat dit vast en_ stade bliue en_ wi selue ghene seghelle en hebben So @ hebben wi ghebeden Enen Eersamen man / den officiael van vtrecht desen brief ouer ons te beseghellen @ tenen oerconde En_ wi officiael van vtrecht voerseyt hebbe om bede wille gheriits vten boemgaert @ en_ louwerens ziins wiifs voerscreuen onse seghel van onser officialyteyt aen desen brief ghedaen tenen @ oerconde ghegheuen jnt jaer ons h_en dusent drie + hondert neghen en_ tseuentich op zinte mathiis avont