Corpus Van Reenen-Mulder (CRM14): Oorkonde E692r38001

@ @ Alle den ghenen die desen brief zellen zien / of horen lesen doe wi verstaen / Scout / en_ Scepene / der Stat van vtrecht / dat voer ons quamen / Jnt gherechte wouter van coelenberch en_ aelbrecht @ aluekiin ziecmeysters / in deser tiid van onser stat weghen van + den zieken bi vtrecht Ende belyeden aldaer voer ons / van + der zieker weghen voerseyt / alse dat zi ter zieker behoef voerscreuen @ ontfanghen hebben / voer den Scout lantghenoten ende buere / an + den ouden Riin van henric den witten Johan zinen broeder ende Joncfrou Elborgen hore beyder zuster den vryen @ Eyghendom van derde + half morghen lants / gheleghen / aen den ouden riin in + den gherechte voerscreuen / Tusschen lande des heren van abcoude / aen de ouerside / ende der heren stripe @ van oudemvnster / aen de nederside / Mit zulken vorwaerden / dat die ziecmeysters die wesen zellen in elker tiid van + den zieken voerscreuen Jaerlix van + den renten die van + den voer-seyden derde + half morghen lants verscinen zullen / weder wtreyken en_ gheuen zullen den jacopinen Tutrecht Een pont den malaten Een pont / tot paschen / de joncfrou Sophie de henrix @ witten wiif was / der voerseyder kinder moeder / in rechter aelmissen tot eenre Eweliker memori beset en_ ghegheuen hadde / Ende des die voerseyde derde + half morghen lants jaerlix meer @ ghelden en_ renten moghen / dan die voerscreuen twe pont siaers dat zel + men jaerlix wtreyken en_ gheuen den minrebroederen Tutrecht tot aelbrecht vrederix zoens jarichtide de hi daer @ beset en_ besproken heeft tot eenre Eweliker memori / Ende die ziecmeysters van + den zieken voerscreuen die wesen zellen in Elker tiid die zellen hebben / voer horen arbeyt horelijc twe hoenre @ ende die zel + men opten voerseyden lande zetten tot alre tiid als + ment verhuert Mit zulken vorwaerden dat die zieken voerscreuen den Eyghendom van + den voerseyden Erue nu_mermeer @ vercopen nochte weerloes werden en zellen in gheenre wiis nochte die zieken voerscreuen / en zellen den jacopinen en_ minrebroed_en voerghenoemt / die voerseyde renten nu_mermeer @ ofcopen / mer hem Eweliken wtreyken en_ betalen tot / eenre Ewigher memorie alse voerscreuen is / en_ anders nyemant / Voert en zel + men dit voerseyde lant / nu_mermeer langher @ verhueren dan tyen jaren lang En_ nyet te + verhueren / dan bi twe procuratoren die de minrebroeders daer bi zetten in dier tiid bi + den ziecmeysteren dattet uter huere is dit ghesciede @ onder johan van + den velde Scout henric de witte Johan de wale ghisebrecht grawaert aelbrecht aluekiin nyclaes voncke johan hombout Roetaerd van lantscrone jacob van lochorst mache-lem van + der stripe ghisebrecht van bloemenweerde henric van + den riin en_ hubrecht van wuluen Scepene Tutrecht Ende op~dat dit vast en_ stade bliue / so hebben wi Scoute @ ende scepene voerghenoe_de onser stat zeghel aen desen brief ghedaen Tenen orconde deser brieue ziin vier ghegheuen Jnt jaer ons heren dusent dre + hondert en_ tachtich @ des dinxdaghes op zinte bonifaes dach : .