Corpus Van Reenen-Mulder (CRM14): Oorkonde E692r38801

@ @ Wi officiael van vtrecht Doen cont allen luden dat voer ons quam jnt + gherechte Egbert peters zoen / en_ belyede dat hi in huerweer @ ontfanghen hadde van den Cureyten enten ghemenen ghesellen die gherent ziin jn + der kerken tot buerkerke tutrecht / vier morghen @ lands egghen en_ eynden mit alle horen toebehoren also alse gheleghen ziin in Camericken jn + der h_en gherechte van zinte marien tutrecht / @ + an + den oueren egghe van viiftyen morghen lands daer Egbert voers_ op woent / daer dat convent van oudwiic bouen naest ghelant is . @ + en_ jan van + der meer en_ segriin roelofs zoen beneden / te bruken tyen jaer lang naest comende gherekent van zinte peters misse adcathedram die nv naest verleden is . / Elx jaers om achtyen pont penni_ghe alse achte placken voer elc pont / of payment daervoer datter goet voer is in elker tiid der betalinghe Te betalen / de een helfte . tot zinte martiins misse jn + den winter nv @ naest comende En_ de ander helfte tot zinte peters misse adcathedram daer naest comende / of binnen viertien + daghen na elken @ termine onbegrepen En_ also voert jaerlix dese tyen jaren wt voersc_ jn zulken vorwarden dat Egbert voerseyt of ziin @ erfnamen dit voerseyde lant verwaren zellen van allen ouden werke op horen cost / / Mar waert datter enich nywe . @ + werke op vyele . van nywen slusen of van nywen waterganghe dat sel Egbert voerseyt of ziin erfnamen wtlegghen / @ + en_ die Cureyten ente ghesellen voers_ . zellent hem weder ofcorten van horen yersten pachte . voert so gheloefde Egbert @ voers_ . alse dat hi dit voerseyde lant / . aen zel doen spreken en_ verandwoerden ten zeuen op sinen cost binnen enen @ haluen jare naest comende . / / Voert so gheloefde en_ wilkoerde . Egbert voerseyt voer hem en_ voer siin erfnamen / @ + alse dat hi dit lant voersc_ dese jaren vorsc_ wt + bruken . sellen @ en_ den pacht daer jaerlix of betalen zel @ . dese jaren wt @ en_ dat hi dit lant niet op~segghen en zel binnen desen jaren voersc_ / En_ waert dat hi of ziin erfnamen dit verbraken @ So verboerden zi een pene . van tyen ouden scilden tot behoef der Cureyten enter ghesellen van buerkerke voersc_ @ te betalen tot hore mani_ghe zonder enich weder~segghen / en_ zonder arghelist / En_ op~dat dit vast en_ stade bliue @ So hebben wi officiael van vtrecht / vorghenoemt den seghel van onser officialiteyt aen desen brief ghedaen tenen orconde @ ghegheuen jnt jaer ons h_en dusent drie + hondert + / acht en_ tachtich des zaterdaghes voer sinte johans dach te middesomer