Corpus Van Reenen-Mulder (CRM14): Oorkonde E692r38901

@ @ Wj Procuratoers en_ ghemene broders van onser vrouwen minre + calander~broederscap @ tot buerkerke tutrecht maken cont allen luden dat johan van driel claes soen @ van driel ons ghegheuen heeft vier morghen lands gheleghen in neder~langbroec @ streckende van + der broeker wetringhe aen + der goeyer wetringhe daer bouen naest @ ghelant is de stat van vtrecht mit lande dat den zieken toe~behoert en_ beneden die @ heylighe gheest tutrecht egghen en_ eynden mit alle horen toebehoren in rechter @ aelmissen voer zinre zielen en_ zinre ouders en_ vriende zielen Jn aldustanighen maniere_ @ dat die renten die van desen voerseyden lande comen jaerlix gaen sellen opten witten + donre-dach om mondaten~wiin alse elken broder te hebben een vlessche wiins En_ voert te scencken @ den ghemenen broders ter minrebroders alse de mondate ghegheue_ is opten witten + - @ + donredach alse ghewoentliken is En_ wi hebben gheloeft en_ ghelouen in goeden trouwen @ voer ons en_ voer onse nacomelinghen dese voersc_ vier morghen lands nv_mermeer @ te vercopen te versetten te versellen noch weerloes te werden in gheenre manieren si en @ sellen erflic en_ ewelic bliuen in + der broderscap in allen maniere_ alse voersc_ is Jn @ orconde des briefs beseghelt mit onser ghemeenre broderscap seghel ghegheuen jnt @ jaer ons h_en dusent drie + hondert neghen en_ tachtich op zinte louwerens auont