Corpus Van Reenen-Mulder (CRM14): Oorkonde E692r39301

@ @ Alle den ghenen die desen brief sullen sien of horen lesen doe wi verstaen Steuen van wede en_ joncfrou @ alijt van wede siin dochter dat wi vercoft hebben joncfrou mary van hoekelem en_ joncfrou jutten @ van + den damme meystersteren in deser tijt van + den beghijnhoue tutrecht tot des hoefs behoef vorscr_ @ om een zeker somme van ghelde de si ons vol ende al betaelt hebben den lesten penninc mitten @ eersten alle rechts en_ toe~segghens dat wi hebben aen enen haluen morghen lants gheleghen @ in hoencoep in ses morghen lants ghemeen van wilken lande dit vorscr_ hof den vryen eyghen-doem heeft daer joncfrou iacob wierrix dochter bouen naest ghelant is en_ joncfrou nelle @ van + den vliete en_ hoer kijnder beneden Ende wi ghelouen in goeden trouwen voer ons ende @ voer ons erfnamen mit ghesamender hant den hof vorscr_ nummermeer hinder noch lette @ aen dien vorscr_ lande te doen in gheenre wijs ende scelden hem dien haluen morghen lants @ vorscr_ claerliken te goede En_ up~dat dit vast en_ stade bliue Soe heb ic steuen vorseyt minen @ zeghel aen desen brief ghedaen ouer mi seluen En_ want ic joncfrou alijt vorseit zelue @ ghenen zeghel en hebbe op dese tiit soe heb ic ghebeden euert van + den zande mine_ neue desen @ brief ouer mi te beseghelen mit sinen zeghel tenen orconde En_ ic euert van + de_ zande hebbe om beden wille joncfrou aleyden miinre nichten vorscr_ minen zeghel aen desen brief ghedaen @ tenen orconde ghegheuen jnt jare ons h_en dusent drie + hondert drie + ende + tneghentich des @ dinxdaghes na sente martijns dach in + den wiinter