Corpus Van Reenen-Mulder (CRM14): Oorkonde E692r39501

@ @ Alle den ghenen die dezen brief zellen zien of horen lezen Doe wi verstaen beernt proeys scoute willam van alendarp johan de Coninc pilgriin de wale en_ johan woutman scepene tutrecht @ dat voer ons quam jnt + gherechte gheriit lubbrechts soen ende toende aldaer enen scepene~brief gans en_ gaue en_ wel bezeghelt mit zeghellen des scouten enter scepene van vtrecht sprekende @ van woerde te + woerde aldus : (onleesbaar) Ende doe wi dezen voerseyden brief ghesien en_ wel verstaen hadden Doe gaf gheriit lubbrechts zoen voerseyt ouer vrederic merten zulke lofte alze hem @ ghisebrecht ziin broeder gheloeft hadde in den voerseyden scepene~brief alze van te + vertyen van ander + half viertel veens en_ velt gheleghen in den westbroec in + der vrouwen gherechte van @ zulen streckende van + den nederen wech ter drinscote toe daer die nonnen van + den dale naest ghelant siin an + de ouer~side en_ die heren van oudemonster tutrecht an + de neder~side En_ makede hem mede machtich den voerseyden vrederic daer om aen te + spreken en_ mit allen rechte te + veruolghen ghelike of hiit selue waer Ende op~dat dit vast en_ stade bliue so hebben @ wi scoute en_ scepene voerghenoemde onze seghellen an desen brief ghedaen tenen oerconde ghegheuen jnt iaer ons h_en dusent drie + hondert viif en_ tneghentich des dinxdaghes na zinte @ gheertruden dach