Corpus Van Reenen-Mulder (CRM14): Oorkonde E692r39701

@ @ Alle den ghenen die dezen brief zellen zien of horen lezen doe wi verstaen Matheeus pot en_ Tyman trinde kercmeysters in deser tijd der kerken @ tot buerkerke tutrecht en_ lyen en_ kennen van + der kerken weghen voerscreuen dat wi enen vryen eyghendom ontfanghen hebben tot @ behoef der kerken voerghenoemt van henric den witten johan den witten en_ joncfrou Elborghen hore zuster alse van + der helfte van twalef @ morghen lants also alse gheleghen ziin in Ouerlangbroec daer hughe vuystinc de wederhelfte of + toebehoert onderdeelt daer de heer van abcoude @ naest gheleghen is an + de ouerside en_ Otte gherijds soen an + de nederside Mit zulken vorwarden dat die Kercmeysters die wesen zellen jn + der @ tijd na dode joncfrou Elborghen voerscreuen want zi hoer lijftochte daer aen behout dat voerseyde erue also dicke en_ menich~weruen alst te + huer @ vallet verhueren zellen tyen jaer lang en_ nyet langher bi + den gardiaen van + den Minrebroederen tutrecht die dan wesen zelle jn + der tijd en_ op dat erue @ zellen zi zetten altoes jn + der hueren vier Capoenen siaers welke vier Capoen voerscreuen die kercmeysters voerghenoemt voer horen arbeyt @ jaerlix hebben zellen en_ dan zellen zi dat erue daer voert op verhueren om paymente na + der bester orbaer En_ van + den paymente daert @ om verhuert werden zel alse voerscreuen is / daer zellen jaerlix eweliken of hebben die gheen die hijr na bescreuen staen alse den heren @ van + den duytschen + huse tutrecht twe stat~ponden hoer Collati des Eersten woensdaghes jn + de vasten jaerlix eweliken mede te + doen jtem dat @ outaer tot buerkerke jn + der kerken dat her roetaert van + der sterre voertijds stichte en_ nv her vrederic van + den houe heeft tot der @ papeliker prouende een pont stat~payen siaers jtem ter jacopinen tot joncfrou Elborghen memori een pont stat~payen siaers jtem @ der kerken tot buerkerke voerscreuen tyen scillinghe stat~payen syaers En_ so wes daer dan van desen voerseyden pacht ouerloept @ dat zellen jaerlix eweliken hebben de Minrebroederen tutrecht der voerseyder joncfrou Elborghen en_ hore ouders memori mede te + doen @ ghelike zi hem beuolen heeft en_ noch beuelen sel En_ gheloefden hem mede van + der kerken weghen voerghenoemt alse dat die voerghenoe_de @ kercmeysters dese voerseyde renten jaerlix jnmanen en_ wtreyken zellen jn allen manieren alse hijr voer + bescreuen staet also verre alst @ van den erue coempt Zonder arch Voert sijnt vorwaerden zo wes cost die kercmeysters doen zellen om den voerseyden pacht jn + te + winnen @ ofte dat voerseyde lant mit recht te verantwoerden dat zellen die kercmeysters voerscreuen tevoren ofnemen van den eersten pacht @ die van de_ lande comen zel zond_ arch Jn kennisse der waerheyt zo hebben wi kercmeysters voerscreuen onse zeghellen aen desen brief ghedaen @ tenen orconde ghegheuen Jnt Jaer ons h_en dusent dre + hond_t zeuen en_ tneghentich Op zinte barbaren Auont deser brieue siin zes - /