Corpus Van Reenen-Mulder (CRM14): Oorkonde E692r39801

@ @ Alle den ghenen die dezen brief zellen zien of horen lezen Doe ic verstaen johan de @ rode borgher tutrecht Dat ic vercoft hebbe jacob sloeyer henrix soen om een zeker @ somme van ghelde de hi mi vol en_ al betaelt heeft den lesten pe_ninc mitten eersten @ neghen morghen en_ ander + half hont lants viif scafte lants min daer ic hem enen vryen @ eyghendom of ghegheuen hebbe egghen en_ eynden mit al horen toebehoren also si gheleghen ziin in galencoep in + des doemproefts gherechte van vtrecht daer de nonnen @ van + den dale boven naest ghelant ziin en_ johan van + den spieghel en_ sander van herwen beneden Ende ic hebbe gheloeft en_ gheloue in goeden trouwen voer mi en_ voer @ miin erfnamen jacob sloeyer voerseyt en_ zinen erfnamen de neghen morghen en_ anderhalf hont lants viif scafte lants min enten eyghendom daer of te + waren jaer en_ dach alse @ recht is en_ alle voerkommer of + te + doen jn oerconde des briefs bezeghelt mit minen zeghel ghegheuen jnt jaer ons h_en dre + hondert achte en_ tneghentich des anderen @ daghes na sinte katherinen dach