Corpus Van Reenen-Mulder (CRM14): Oorkonde E694r31301

@ @ Alle den ghenen die desen brief sullen sien ofte hõeren lesen / Doe wi gemene Conuent van @ vrouencloester te + weten en_ oerconden in desen brieue / dat vor Aleyd van vtrecht onse Priorinne @ ons / en_ onsen godshuse in gerechter alemõesen heft gegheuen Dertich pont suarter tornoische . @ + dar wi mede gecoft hebben jaerliex / drie pont gelts suarter tornoische jn der baeliuscap van @ woerden / jn den ses morgen lants die wi coften tiegen Otten / en_ Dyderic / Dyderics kinder @ van zeyst / en_ leggen tuschen Andries lande der vorseider Otten / en_ Dyderics broeder / op dene side / @ + en_ haers selues lande op dander side / jn dere maniren / en_ in dere verwaerden / dat die vorseide @ Priorinne vor aleyd alse lange alse si leuet / dese vorseide drie pont gelts / innemen sel ende @ opbõren tot haers selues behoef / en_ tot haers selues brukinge alle jare te tueen tiden van den @ jare / die ene helft te sinte Martins misse jn den winter / en_ die ander helft te sinte Peters misse @ die dar na ierst volget / Maer wanneer dat si niet langer en is / so sellen dan na hare doet / dese vorgenõemde drie pont gelts gaen jn die fermerie / tue pont elkes jaers tot hare memorie / op @ haers selues jarichtiit / en_ een pont / op voren Odilien jarichtijt van voerne / den Conuente te @ gheuen / also dat si / op die vorseide jarichtide / auonts / en_ morgens haers verh˚egen / en_ tot haren @ graue / gaen / Jn oerconden hier of / heb wi vorgenõemde Conuente van vrouencloester ons gods-hus seghel gehangen an desen brief / Gegheuen / jn den jare ons heren / Dusent + / Drie + hondert + / ende @ Dertiene op sinte Peternellen dagh . - - - - - ~ ~ ~ ~ ~ ~ ~ ~ ~