Corpus Van Reenen-Mulder (CRM14): Oorkonde E694r34601

@ @ Wi ghunter bi + der ghenaden goods . . Abt van ? / ende dideric van doeseborch . . prior in dien seluen gootshuse / maken cont / en_ kenliic @ allen luden / dat ons cundich is / ende onsen conuente / dat willam pilgriins sone / ende joncfrou beatrix siin wiif / jn + den iaer ons heren doe + men @ screef dusent dre + hondert ende sestien op sinte margrieten dach / op~gauen gheesteliken heren / alse den . . Abt van oestbroec / ende den ghemenen conuente / in deer ? mit ghesamender hant ende mit horen vryen wille / ? vryen eyghendom / van eenre haluer hoeve lants / mit @ egghen / ende mit eynden alse gheleghen is in lopic / tusschen des ovtaers lande / dat ? in der Capellen van lopic aen die een side / ende tusschen @ lande dat in deer tiit was goetscalcs van + der brugghe borgher tutrecht ? ? ander side / welc lant opstrecket aen benscoper @ lantsceydinghe mit enen eynde / voert verteghen si van allen rechte dat si ? ? desen vorghenoemde lande tot der voersprokenre @ heren behoef / sonder alrehande archeyt Mit sulken vorwarden dat dese vorghenoemde heren / willam pilgriins sone / ende joncfrou beatrix @ sinen wiue vorghenoemde / horen erfnamen / ende horen nacomelinghen dese vorghenoemde halue hoeve lants / mit egghen / ende mit eynden alse @ gheleghen is / rechteuoert weder verlyeden / tot enen eweliken erfpachte / alse om dertien pont / ses scillinghe / ende achte penninghe @ iaerlix / alsulx ? alse in elker tiit der betalinghe binnen der stat van vtrecht ghenghe ende gaue wesen sel / ende die ene coman @ dien anderen ghemeenlike mede betalen sel / sonder alrehande archeyt / te + betalen iaerlix tot oestbroec op horen anxt / ende op horen @ cost / dien preester die sinte marien magdalenen capelle besinghet / of yemant die in sinen steden is / in dien voerseyden cloester / tot @ tueen tyden van + den iare / die ene helft alle iare tot sinte martiins misse in + den winter / ende die ander helft alle iare / tot sinte peters misse ad cathedram / of binnen viertien daghen na elken voerseyden terminen onbegrepen / . . voert waer dat zake dat willam @ pilgriins sone / ende joncfrou beatrix siin wiif vorghenoemde / hoer erfnamen / of hoer nacomelinghen desen vorghenoemden pacht iaerlix @ nyet en betaelden / tot elken termine alse hiir voer bescreuen is Soe waren si quiit al + des rechts / dat si hadden aen desen vorghenoe_den @ lande / ende dit vorghenoemde lant quame vrilike weder aen den goetshuse van oestbroec sonder enich weder~tale / mede ist gheuorwart @ dat si dit vorghenoemde lant verwaren sellen van diken / van dammen / van sloten / van sluzen / ente van allen onghelde / dat daer op vallen mach @ op horen cost / ende arbeyt / alle dese voerscreuen vorwarden siin ghesciet in lopic / voer rechter / ende voer bure alse vonnisse wiisde @ dat stadicheyt houden soude / . . Ende op~dat dit vast ende stade / ende ? bliue so hebbe wi ghunter bi + der ghenaden goods . . Abt @ van oestbroec vorghenoe_t / ende dyderic van doesborch . . prior in + den seluen ? voerseyt onse seghelle aen desen brief ghedaen tenen @ orconde . . ghegheuen int iaer ons heren dusent dre + hondert ses ende viertich / op sinte gheertruden dach