Corpus Van Reenen-Mulder (CRM14): Oorkonde E715r35701

@ @ Alle den ghenen die desen brief sellen sien of horen lesen doe ic verstaen henric van + den vlyete knape / dat ic ontfaen hebbe en_ @ ontfa van ghisebrecht scaden van tulle borgher tutrecht / dre morghen lands gheleghen in lopic in der heren gherechte van sinte marien tutrecht / daer claes buckinc bouen naest gheland is ente vrouwen van sinte servaes beneden tot enen @ eweliken erfpachte / Elx iaers om ses pont alsulx paeyments alse in der tiit der betalinghe ghenghe ende gaue wesen sel @ binnen vtrecht . te + betalen kommervri binnen vtrecht de ene helft op sinte martiins dach in den winter ente ander helft op @ sinte peters dach ad cathedram of binnen viertien daghen na elken termine voorseyt onbegrepen / Ende dit @ sel wesen vri ghelt van allen onghelde ende onrade die nv leyt of namaels vallen mochte opten voorseyden lande / Mit dustanighen vorwaerden waert dat ic henric van + den vlyete of miin nacomelinghe desen pacht iaerlix nyet en betaelden @ tot elken termine in allen manyeren alse voorscreuen is / so vallen wi van desen erfpacht ende claerlike van allen rechte @ ende toesegghen dat wi hadden an desen voorseyden lande Ende so coomt dat selue land weder vri ende los an ghighisebrecht @ scaden van tulle ende an sinen nacomelinghen horen vryen wille daer mede te + doene sonder yemants weder~segghen / Ende behouden hem vmmer al hoers versetens pachts sonder alrehande archeyt . Jn orconde des @ briefs beseghelt mit minen seghel . . ghegheuen int iaer ons heren dusent dre + hondert seuen ende viiftich op sinte @ mathiis auont