Corpus Van Reenen-Mulder (CRM14): Oorkonde E715r38901

@ @ Alle den ghenen die dezen brief zellen zien of horen lezen Doe Jc verstaen gheriit van + den vlyete knape dat @ voer mi ghecomen ziin miin scoute lantghenoten ende buere in minen gherechte van hoencoep de hier na bescreuen staen ende brochten mi ane alze zi sculdich waren te + doen dat voer hem ghecomen is in den voerseyden gherechte johan van + den vlyete ende gaf mit zinen vryen wille alze recht ende oerdel wiisde dat hi @ sculdich was te + doen den meystersteren van + den beghiinhoue tutrecht enen vryen eyghendom van vier morghen lants de gheleghen ziin in den voerseyden gherechte an + den nederen egghe in tien morghen lants @ daer johan van + den vlyete voers_ mitten anderen ses morghen lants boven naest ghelant is ende @ wendelmoet de dyrics wiif was van delf beneden Ende daer mede of verteech tot behoef des hoefs @ voerscreuen ende claerlic van al rechts ende toesegghens dat hi daer an hadde alze recht ende oerdel @ wiisde dat hi sculdich was te + doen endet mitten rechte stedicheyt hebben zel hier waren ouer ende ane @ daer dit ghesciede Ocker heynen soen miin scoute willam roelofs soen aelbrecht de snyder willam @ ryetvelt lantghenoten ende buere in minen gherechte voerseyt ende anders vele goeder lude @ Ende want mi dit miin scoute lantghenoten ende buere voerghenoemt aen~ghebrocht hebben dat @ voer hem ghesciet is alzo hier voer bescreuen staet zo hebbe ic dezen brief bezeghelt mit @ minen zeghel tot eenre oerconde ghegheuen jnt iaer ons heren duzent drie + hondert neghen @ ende tachtich op zinte valentiins dach