Corpus Van Reenen-Mulder (CRM14): Oorkonde E717r37401

WJ zweder heer van Montfoorde doen kont allen luden dat wj gheloeft hebben ende louen Jn goeden Trouwen den scepen ende Raet van scoonhouen toter stede behoef van scoonhouen waert zake dat si ons die Twaelf hondert pont ende Twee ende dertich pont betaelden die si ons gheloeft hebben mit enen opene brieue achte plaggen gherekent voer een pont hem luden voerseyt toter stede behoef voerscr_ weder gheuen sellen so wanneer dat wj zweder heer van Montfoorde Recht deden na sinte jacops daghe naest~comende op dien leckedijc ende Tlant van yselsteijne quame ende belijede hem sulc Recht alse die heemrader wijsden en_ voer ghewijst hebben ende dat voldeden . Jn kennyssen der waerheyt so hebben wj zweder heer van Montfoorde voers_ desen opene brief bezeghelt mit onsen zeghel Ghegheuen jnt jaer ons h_en dusent drie + hond_t drie en_ Tseuentich des woensdaghes na sinte valentijns dach