Corpus Van Reenen-Mulder (CRM14): Oorkonde E723r38301

@ @ Alle den ghenen die desen brief zellen zien of horen lesen Doe jc verstaen korstiaen walichs zoen @ Scoute tot jutfaes jn + des h_en gherechte van vyanen dat voer mi quam en_ voer de lantghenoten @ en_ buere de hiir na bescreuen staen . jnt + gherechte voerseyt joncfrou mechtelt de wernaers @ wiif was van loenen / en_ gaf mit willams hant van + den riin hoers broeders en_ hoers gheboren @ mombaers . den ghemenen beghinen van + den beghiinhoue tutrecht / den Eyghendom van enen @ morghen lands . also alse zi en legghende hadde onderdeelt in eenre viertel lands opt oude @ gheyne daer den he_n van zinte peter tutrecht enen . morghen lands of + toebehoert en_ daer @ herman van lochorst ander + half morghen lands of + toebehoren also alse die viertel gheleghen is @ daer meliis aernds zoen bouen naest ghelant is . en_ jacob de langhe beneden En_ joncfrou @ mechtelt voerseyt verteech daer of en_ claerlike van alle rechts en_ toe~segghens dat zi @ daer aen hadde tot behoef den ghemenen beghinen van + den beghiinhoue voersc_ alse recht en_ @ oerdel wiisde dat zi sculdich was te doene . hiir waren ouer doe dit ghesciede willam @ van + den riin hildebrant van jutfaes tyman meeus willam van + den gheer johan zwartint alse @ lantghenoten en_ buere jn + den gherechte voersc_ en_ anders veel goeder lude . En_ op~dat @ dit vast en_ stade bliue So hebbe ic korstiaen walichs zoen Scoute voerseyt desen @ brief beseghelt mit minen seghel van + des gherechts weghen tenen orconde ghegheuen jnt @ jaer ons he_n dusent drie + hondert drie en_ tachtich op zinte angnyeten dach / /