Corpus Van Reenen-Mulder (CRM14): Oorkonde E723r39801

@ @ Alle den ghenen die dezen brief zellen zien of horen lezen / Doe wi verstaen Johan wedighe / @ + Scoute / Splinter van + den ouden gheyne / gherijt de rughe en_ ghisebrecht aernts zoen Scepene @ te Gheyne / dat voer ons quam jnt gherechte / tydeman de vrese van + den Doem En_ gaf mit @ zinen vryen wille / Melijs van houweninghen / tot behoef der Cureyten / enter ghemeenre ghe-zellen / die gherent ziin / in + der kercken tot buerkercke Tutrecht / Die vrye tinsweer @ en_ alle rechts dat hi hadde / aen eenre hofstede also alse gheleghen is / Jn + den gherechte / @ + voerscreuen / Tusschen der steghe die toebehoert willam van vloeten / en_ Clemensen die @ Claes palen wijf was / aen die een zide / Ende tusschen lande der kercken van + den Gheyne aen @ die ander side / En_ tydeman de vreze van den Doem voerseyt / verteech daer of / tot behoef @ der Cureyten / en_ der ghesellen voerscreuen / alse recht en_ oerdele wijsde dat hi sculdich @ was te + doen / Endet mitten rechte stadicheyt hebben zel . Behoudelijc onsen lieuen heer van @ vtrecht / ziins tyns en_ ziins rechts / alle archeyt wtgheset / Ende op~dat dit vaste @ en_ stade bliue / zo hebbe ic johan wedighe Scoute voerseyt / minen zeghel aen desen brief @ ghedaen / tenen orconde / ouer mi zeluen / en_ ouer die Scepene voerscreuen / om hore bede @ wille / Ende wi Scepene voerseyt / orconden dit en_ tughen / onder des Scouten zeghel vor-ghenoemt / en_ hebben hem ghebeden desen brief mede ouer ons te beseghellen / want wi @ daer mede ouer en_ aen waren / daer dit ghesciede / alse hier voer bescreuen staet @ ghegheuen jnt jaer ons heren Duzent dre + hondert + / achte en_ tneghentich Des @ woensdaghes na zinte Odulfs dach : . ~