Corpus Van Reenen-Mulder (CRM14): Oorkonde E724r32901

WJ Ghisebrecht h_e va_ yselsteyne maken kont allen luden die desen brief sellen sien of hore_ lesen / dat wj eersamen luden scepene / raed / en_ onse lieue vriende der poerte va_ scoenhoue om willighen dienst die si ons ghedaen hebben en_ noch gherne doen sellen / den brugghe~pe_ninc tot yselsteyne quiit ghegheue_ hebbe_ / en_ vri / daer of te + vare_ ouer onse brugghe / also langhe als wi + se houden tot yselsteyne / met waghen en_ met anders hore_ goede / en_ die woenachtich siin binne_ hoere poerte voerseyt / en_ dit heb + wi hem ghedaen om jonste en_ om bede / en_ om engheen recht sonder alrehande archheyt . jn oercu_de so heb + wi desen brief bezeghelt met onsen zeghel . Ghegheue_ jnt jaer ons heren / dusent / + drien + hondert / + en_ neghen en_ twintich des satersdaghes na pinsteren .