Corpus Van Reenen-Mulder (CRM14): Oorkonde E724r38001

@ @ Alle Die ghene die desen brief zellen zien of horen lesen Doe wy verstaen Dirric van muden scoute . Euert rykouts zone / roelof @ van den damme en_ gherijt van strimaet scepene tot yselsteyne dat voir ons quam jnt gherechte gillis bws . en_ lyede dat hi vercoft @ heeft heren vrederic zuermont priest_ Canonic tot oudemunst_ tutrecht / tot des heylichs gheest behoef tutrecht / alle rechte en_ toe~segghen die hi hadde aen vierde~haluen morghen erfpachts die den heylighen gheest tutrecht toe~behore_ / en_ gheleghen sijn opt oudelant beneden @ der poerte van yselsteyne die heynrix goyers plaghen te wesen . Daer bouen naest gheerft is jans sone van bueren dat hi te lene hout van der @ heerlicheyt van yselsteyne / en_ daer beneden naest gheerft sijn . andries van sconevelt en_ gheertruyd andries van sconevelts erfnamen . en_ @ gillis bws voirs_ die gaf ouer en_ scaut quijt alle rechte en_ toe~segghen die hi hadde aen den voirs_ erfpacht van den voirscr_ lande tot @ des heylichs gheests behoef tutrecht mit rechte en_ mit vonnesen alse die scepene wijsden dat rechte was . jn orconde des briefs beseghelt @ mit onsen zeghele_ ghegheuen jnt iaer ons heren dusent dre hondert en_ tachtich des iersten woensdachs na iaersdach -