Corpus Van Reenen-Mulder (CRM14): Oorkonde E724r40001

@ @ Alle die ghene die desen brief zellen zien of horen lesen doe wy verstaen Aernt van muden scoute / @ + godeuaert vten wijnkel en_ aernt van amstel scepene tot yselstein dat voir ons quam jnt gherecht @ heinric die rode En_ gaf ouer en_ scout quijt mit sinen vrien wille den beghijnhoue tutrecht enen vrien @ eyghendom van twe merghen lands die gheleghen sijn op toude + lant jn eenre zate lands van vijftien @ merghen En_ daer bouen naest gheland siin die sartroysen van nyen~dale En_ beneden naest gheland is @ willam van spenghen En_ heinric die rode voirg_ verteech daer claerliken van + den voirseiden twee merghen lands tot behoef den beghijn~houe voirg_ mit allen recht alse die scepen wijsden dat recht was @ En_ heinric die rode voirs_ lyet en_ bekent voir hem en_ voir sijn erfname_ dat hi dese voirsc_ twe merghe_ @ lands weder in huerweren ontfanghen heeft van + den beghijnhoue voirsc_ te bruken vijf en_ twijntich @ jaer lanc naest comende jn~gherekent van sinte peters misse ad cathedram lest voirleden Elx jaers @ den hoep te~samen om twe goede enghelsche nobel of die weerde daer voir aen and_en goeden paymente jn elker @ tijt der betalinghe kommerloes en_ vry te betalen tutrecht in + den beghijnhoue voirsc_ den tween meisterse van + den beghijnhoue voirg_ die daer nv jn + der tijt sijn of namaels wesen zullen op zinen kost anxt @ en_ erbeit sonder enighe ofkortinghe of vermindringhe ons pachts voirs_ ooc van wat saken dattet r˚eren @ of toe + comen mocht het waer van enigherhande scattinghe van h_en of van anders jemant of van eny-ghehande kost of scade die daer op comen mochte heynric die rode voirs_ of siin erfname_ sy en zellen ons @ tseker ghelt voirsc_ jaerlix vry betalen als voirs_ is die een helfte van + den voirsc_ ghelde jaerlix @ tot sinte meertiins misse jn + den wijnter naest comende En_ die ander helft tot sinte peters misse ad @ cathedram naest~comende of binnen eenre maent na elken termijn voirsc_ onbegrepen En_ waer @ dat sake dat heinric die rode voirs_ of sijn erfnamen jaerlix op elken termijn voirg_ nyet en betaelde_ @ dit voirseide ghelt jn allen manieren alse voirsc_ staet soe heeft heinryc die rode voirg_ verwilkoert @ voir hem en_ voir sijn erfnamen dat die meysterse van + den beghijnhoue voirg_ of hare_ ghewaerde_ bode heinric @ die rode voirg_ of siin erfname_ dit voirsc_ ghelt rechte~voirt of mach doen panden en_ den bode voirs_ @ twe vleemsche placken meer voir sinen kost sijn recht mede te vorderen tot elker reisen ghelikerwijs @ oft mit allen recht verwonnen waer En_ om~dat dit aldus voir ons js gesc_ so hebben wy scoute @ en_ scepene voirsc_ desen open brief bezeghelt mit onsen zeghelen tot eenre orkonde gheg_ jnt jaer ons @ h_en . dusent en_ vier hondert op + den zestienden dach in meye