Corpus Van Reenen-Mulder (CRM14): Oorkonde E725r38001

@ @ Jc roelof beernt snoyen sone scout op die nyvaert in + den kerspel van vrieswiic Doe cond en_ kenliic allen luden dat v˚er @ my v˚er die lantghenoten en_ b˚ere die hier nae bescreuen staen quam int ghericht op die nyvaert ian van @ R˚emste en_ droech op en_ gaf ian cesar enen vryen eyghendom van eenre viertel lands also alse gheleghen is @ in + den kerspel van vryeswiic daer bouen naest ghelandt is peter herberens sone en_ beneden naest ghelandt @ willam scade ghiisbert scaden sone van tulle en_ hi verteech daer op mit allen den recht dat die lantghe-noten en_ buere wiisden dat recht was daer dit ghesciede weren ouer en_ ane alse lantghenoten en_ buere @ heynric gheriits sone aernt aernts sone rutger knouve wouters sone peter-e backer en_ weernaer piec en_ op~dat dit vast en_ stede bliue so hebbe ic roelof beernt snoyen sone richter vuerscreuen @ mynen zeghel aen desen brief ghehangen ouer my zeluen vans gherechts weghen en_ om bede wille der @ lantghenoten en_ büere vuerscreuen tenen orconde En_ wy lantghenoten en_ buere vüerscr_ kenne_ en_ @ tughen dit onder zeghel des rechters vuerscr_ en_ hebben hem ghebeden dit mede ouer ons te bezeghele_ @ want wy daer mede ouer en_ ane waren daer dit ghesciede als hier vuer ghescreuen staet Ghegheuen @ int iaer ons heren dusent drie hondert en_ tachtich des vrydaechs nae paesche~dach