Corpus Van Reenen-Mulder (CRM14): Oorkonde E725r38002

@ @ Allen den ghenen die desen brief S˚elen zien of h˚eren lesen Doe ic verstaen ian van r˚emst Cnape dat ic kenne @ en_ belie in rechter waerheit dat ic vercoft hebbe mit mynen vryen wille ian cesar een viertel lands also alse ghe-leghen is in + den kerspel van vrieswiic daer bouen naest ghelandt is peter herberens sone en_ beneden naest ghe-landt willam scade ghiisbert scaden sone van tulle vüer mi en_ vuer mine nacomelinghe hem en_ sinen nacomelin-ghen also dat ic noch myne nacomelinghe noch niement van miinre weghen daer niet aen en hebben noch engheen toezegghen toe en behauden also dat ian cesar vuerscr_ of siin nacomelinghe of yement dien hiit vercoft @ verzette of verzelde dit vuerscr_ erue goet en_ reynten gh˚nsteliic van my of van minen nacomelinghen @ of van iement van miinre weghen houden bruken vercopen zetten en_ zellen mach waer hi wille en_ belie hem @ daer af goede betalinghe den iersten penninc mit den lesten vol en_ al wael betaelt Voert siint vorworde @ @ dat ic ian van ruemst vuerscr_ of miin erfghename waer ic doet ian cesar vuerscr_ of sinen erfghenamen @ of den houder des briefs mit sinen wille dit vuerscr_ erve goet en_ reynten commervry waren zal en_ al @ v˚erplicht af~doen zal die tot desen daghe toe vuer der daten des briefs op dit vuerscr_ erve goet ende @ reynten ghegaen of ghecomen mach wesen in enigher wiis buten sinen cost scade en_ arbeit sonder arghe-list En_ alle dese vuerscr_ vorworden en_ p˚nten hebbe ic ian van r˚emst vuerscr_ gheloeft en_ gheloue @ vuer my en_ vuer miin erfghename ian cesar of sinen erfghenamen of den houder des briefs mit ian @ cesars wille vuerscr_ in goeder trouwen en_ in rechter eedstat vast en_ stede te hauden en_ te voldoen @ en_ niet te verbreken in en~gheenre wiis wt~ghezet alle erghelist Jn orconde der waerheit so hebbe @ ic desen brief open bezeghelt mit minen zeghel Ghegheuen int iaer ons heren dusent drie hondert @ en_ tachtich des donredaechs nae sente ambrosius dach ~ ~