Corpus Van Reenen-Mulder (CRM14): Oorkonde E725r38901

@ @ Alle den ghenen die dezen brief zellen zien of horen lezen doe ic verstaen willam euerts zoen dat ic vercoft hebbe henric walinsch bor-gher tutrecht om een zu_me van ghelde de hi mi vol en_ al betaelt heeft den lesten pe_ni_c mitten eersten een viertel lants egghen en_ eynden @ mit al horen toebehoren alse gheleghen is opte nywe~vaert in vreeswiker kerspel daer henric voerseyt bouen naest ghelant is mit eenre vier-tel lants daer ic hem voertiits enen vryen eyghendom of ghegheuen hebbe ende gheriit voern beneden mit eenre viertel lants de hi houdt van + - @ + den heer van vyanen waer of ic gheloeft hebbe ende gheloue in goeden trouwen voer mi ende voer miin erfnam henric walinch voerseyt @ ende zinen erfnamen deze voerscreuen viertel lants enten eyghendom daer of te + waren jaer ende dach naest comende alze recht is ende alle @ voerkommer of te + doen ende waert dat henric voerzeyt of zinen erfnamen hier enich hinder of ghebrec in viele zo zel ic en_ mine bor-ghen die ic hiir op hebbe ghezet mit ghezamender hant elc voer al en_ onghesceyden alze aernt peters zoen johan wouters-e zoen coenraet @ coenraets zoen ende gheriit beernts zoen te + maninghe henric walinsch voerseyt of siinre erfnamen waer hi doet of hoers boden in @ comen leysten zonder enich weder~segghen in ene herberghe binnen vtrecht daer men ons in wijst aldaer des daghes rechte maelti-den tetene ons zeluen te + wiinnen danc nyet te + sceyden henric voerseyt of zinen erfnamen en waer voldaen in allen manieren alze voer-screuen is ende mede voldaen van zulken coste alze zi daden om ons jn + te + manen ende zo wie van ons dan laghe voer ander scout of zelue @ nyet leysten en mochte de zel voer hem legghen enen anderen goeden man ende waert dat enich van minen borghen storue zo zel ic @ enen anderen goeden borghe zetten in siinre stat binnen viertien daghen na ziinre doet of ic ente ghene die van minen borghen te + liue bliuen @ zellen daer voer in comen leysten alze voerscreuen is alze langhe ont ic enen anderen goeden borghe hebbe ghezet in + des doden stede alle @ deze voerscreuen vorwarden gheloue ic willam euerts zoen principale zacwoude voerzeyt ende wi borghen vorghenoemt ghelouen mit @ hem mit ghezamender hant elc voer al ende onghesceyden mit goeden trouwen ende zonder arghelist vast ende stade te + houden en_ te + voldoen @ zonder enich weder~zegghen mit gheesteliken rechte of mit weerliken rechte ofte mit anders enighen zaken in wat manieren dattet toecomen mochte ende op~dat dit vaste ende stade bliue zo hebben wi willam euerts zoen aernt peters zoen johan wouters zoen coenraet @ coenraets zoen ende gherijt beernts zoen voerseyt ghebeden johan wedighen dezen brief ouer ons te + beseghellen mit zinen zeghel tenen orconde @ want wi zelue ghene zeghellen en hebben op deze / tiit / ende ic johan wedighe hebbe om bede wille / willam euerts zoens / aernt peters zoen / @ + johan wouters zoens / coenraet coenraets zoens / ende gherijt beernts zoens / voerscreuen / dezen brief ouer hem bezeghelt mit minen zeghel / @ + tenen orconde / ghegheuen jnt jaer ons heren / duzent + / dre + hondert + / neghen ende tachtich des manendaghes na zinte gregorius dach ; - -