Corpus Van Reenen-Mulder (CRM14): Oorkonde E725r39801

@ @ Alle den ghenen die dezen brief zellen zien of horen lezen Doe ic verstaen Johan Wedighe Scoute opte nywe~vaert in + den kerspel van vrieswiic @ Dat voer mi voer de lantghenoten ende voer de buere de hier na bescreuen staen ghecomen is jnt + gherechte peter willam tops zoen ende toende @ aldaer enen opene brief gans ende gaue en_ wel bezeghelt mit seghel haren aernts heer van Egmonde ende van yselsteyn sprekende van woerde te + woerde aldus : (onleesbaar) En_ doe wi dezen voerseyden brief ghesien ende wel verstaen hadden aldaer so begheerde peter willam tops soen voerseyt eens @ oerdels van ons of de twalef morghen lants egghen en_ eynden mit horen toebehoren alzo zi gheleghen ziin en_ zi hier voer bescreuen en_ bepaelt staen also vry en_ also los ziin waren en_ ziin dat hi de vriliken mochte vercopen of wech~gheven versetten of versellen en_ enen vrien eyghendom daer of gheven mochte vrilic wien hi woude en_ hem wert toeghewiist mit rechte en_ mit oerdele dat hiit wel doen mochte ente @ ghifte ente eyghendom mitten rechte stedicheyt hebben zoude Doe dat ghedaen was doe gaf peter voerseyt mit zinen vryen wille alse recht en_ @ oerdel wiisde dat hi sculdich was te + doen Dyric van + der a en_ andries de witte procuratoers in deser tiit van zinte Cecilien Capelle tutrecht in de noede Tot behoef der vrouwen~personen die nv woenaftich ziin ende namaels woenaftich wezen zellen after der Capellen @ voerscreuen Enen vryen eyghendom van + den twalef morghen lants voerscreuen Ende verteech mede daer of en_ claerlic van al rechts en_ @ toesegghens dat hi hadde an + den voerscr_ lande tot behoef dyrics-e en_ andries enter vrouwen~personen voerscreuen alze recht en_ oerdel @ wiisde dat hi sculdich was te + doen endet mitten rechte stedicheyt hebben zel Mit dustanighen vorwaerden dat de procuratoers voerscr_ de @ nv ziin ofte namaels wezen zellen in der tiit van + der Capellen voerscreuen of hoer nacomelinghen Jaerlix erflic ende ewelic aling ende al dat @ van dien voerscreuen lande coomt wtreyken ende gheven zellen Den vrouwen~personen voerscreuen hoer broot~koern mede te + copen jnt ghemeen @ Hier waren ouer en_ ane daer dit ghesciede ghisebrecht haesse van + der wierse beernt snoey roelofs gheyters soen Scade gheriit wolfs @ soen ende dyric van vueren lantghenoten en_ buere in + den gherechte voerscreuen en_ anders vele goeder lude Ende op~dat dit vast en_ stade @ bliue zo hebbe ic johan wedighe Scoute voerseyt minen zeghel an desen brief ghedaen van + des gherechts weghen en_ om bede wille @ der lantghenoten ende bure voerseyt tenen oerconde Ende wi lantghenoten en_ bure voerseyt kennen ende tughen dit onder des @ Scouten seghel voerghenoomt en_ hebben hem ghebeden desen brief mede ouer ons te + beseghellen want wi hier mede ouer en_ @ ane waren daer dit ghesciede alst hier in bescreuen staet ghegheuen jnt iaer ons heren duzent dre + hondert achte ende tneghentich des anderen vridaghes na ons heren hemelvaerts dach