Corpus Van Reenen-Mulder (CRM14): Oorkonde E727r39901

@ @ Alle den ghenen die dezen brief zellen zien of horen lezen Doe ic verstaen Euert van sconenvelt Scoute in + den gherecht van + den ghoey @ Dat voer mi voer de lantghenoten en_ voer de bure de hier na bescreuen staen ghecomen ziin jnt + gherechte wouter iohans soen en_ aernt @ siin soen en_ begheerden eens oerdels van ons of de zeste + half morghen lants een half hont lants min ende twe scafte lants min alzo als zi gheleghen ziin in + den gherechte van + den goey voerscreuen en_ hier na bescreuen en_ bepaelt staen also vry en_ also los hoer waren en_ ziin dat @ zi de vrylike mochten vercopen of wech~gheven versetten of versellen ende enen vryen eyghendom daer of gheven mochten vrylic wien @ zi wouden ende hem wert toeghewiist mit rechte en_ mit oerdele dat Ziit wel doen mochte_ ente ghifte ente eyghendom mitten rechte stedicheyt @ hebben zoude Doe dat ghedaen was doe gauen wouter iohans soen en_ aernt siin soen voerscreuen mit horen vrien wille alse recht en_ @ oerdele wiisde dat zi sculdich waren te + doen haren aelbrecht wouters soen priester braem dolen en_ johan henric alze Collatoren @ des outaers te + vredendael an + den steenwech bi vtrecht Tot behoef des outaers voerscr_ enen vryen eyghendom van zeventien hont lants @ en_ viif ende dertich scafte lants mit horen toebehoren also si gheleghen ziin opten hofsteden daer herman van lewen boven naest ghelant is mit erue dat hi hout van haren zweder van vyanen ende beneden de heren van + den doem mit lande dat henric van + den velde in erfpachte heeft en_ daer toe gaf wouter iohans soen voers_ de collatoren voerscr_ alze recht en_ oerdel wiisde dat hi sculdich was te + doen den @ vryen eyghendom van vier hont lants neghentien scafte min also si gheleghen ziin daer die meent boven naest gheleghen is ende henric @ van + den velde beneden en_ van elf hont lants en_ twe ende dertich scafte lants daer korstans van hontswiic boven naest ghelant is ende @ herman de wolf beneden Egghen ende eynden mit al zinen toebehoren alzo dit voerscreuen lant gheleghen is Ende verteghen mede @ daer of ende claerlic van al rechts ende toesegghens dat zi daer an hadden tot des outaers behoef voerscr_ alze recht en_ oerdele @ wiisde dat zi sculdich waren te + doen endet mitten rechte stedicheyt hebben zel Hier waren ouer en_ ane daer dit ghesciede steven @ van asch henric walinsch ghisebrecht gheriits soen henric van + den velde wouter de ridder lantghenoten en_ bure in den gherechte @ voerscreuen en_ anders vele goeder lude Ende op~dat dit vast en_ stade bliue zo heb ic Euert van sconenvelt Scoute voerseyt minen @ zeghel an dezen brief ghedaen van + des gherechts weghen en_ om bede wille der lantghenoten en_ bure voerseyt tenen oerconde En_ wi @ lantghenoten en_ bure voerseyt kennen en_ tughen dit onder des scouten seghel voerghenoe_t en_ hebben hem ghebeden desen brief mede @ ouer ons te + beseghellen want wi hier mede ouer en_ ane waren daer dit ghesciede alst hier in bescreuen staet ghegheuen jnt iaer @ ons heren dusent dre + hondert neghen ende tneghentich des manendaghes na zinte peters en_ zinte pouwels dach apostolen