Corpus Van Reenen-Mulder (CRM14): Oorkonde E727r39902

@ @ Alle den ghenen die dezen brief zellen zien of horen lezen Doe wi verstaen Wouter iohans soen en_ aernt ziin soen @ Dat wi voer ons en_ voer ons erfnamen gheloeft hebben en_ ghelouen in goeden trouwen mit ghezamender hant elc voer @ al en_ onghesceyden haren aelbrecht wouters soen priester braem dolen en_ johan henric alze Collatoeren des outaers te + vredendael an + den steenwech bi vtrecht zeste + half morghen lants luttel meer of min also zi gheleghen siin @ in den gherecht van + den ghoey en_ bepaelt staen in dien brieue daer wi hem den vryen eyghendom of ouer~ghegheue_ @ hebben in den voerscr_ gherecht jaer ende dach te + waren alse recht is en_ allen voer~kommer of + te + doen Ende om der @ meerre zekerheyt wille zo ghelouen wi henric de vreze henric van + den velde en_ johan aernts soen voer ons ende @ voer ons erfnamen mit ghesamender hant elc voer al en_ onghesceyden den Collatoeren voers_ tot des outaers behoef voerscr_ den vryen eyghendom van + den zeste + half morghen lants voerscr_ jaer en_ dach te + waren alse recht @ is en_ allen voer~kommer of + te + doen Mit zulken vorwaerden dat wi hem de mate van dezen voerscreuen lande leueren @ zellen . tyerst dat de acker bescoren is Ende waert dat des lants min waer dan zeste + half morghen een half hont twe scafte @ min zo zouden wi hem also veel ghelts weder gheven alst beliep bi + der morghen~tale na dien dat ziit ghecoft hebben Ende waert @ dats meer waer dan zeste + half morghen een half hont twe scafte min zo zouden zi alzo veel ghelts meer gheven alst beliepe @ sonder vertrec ende sonder enich arghelist Ende op~dat dit vast ende stade bliue zo hebben wi wouter iohans soen henric @ de vreze henric van + den velde en_ johan aernts soen voerseyt onse seghellen an desen brief ghedaen ouer ons zeluen en_ @ ouer aernt wouters zoen voerseyt om ziinre bede wille Ende want ic aernt wouters-e soen voerseyt selue ghenen seghel @ en hebbe op deze tiit zo hebbe ic ghebeden wouter minen vader henric de vreze henric van + den velde en_ johan aernts @ soen voerscr_ desen brief mede ouer mi te + bezeghellen ghegheuen jnt jaer ons heren dusent dre + hondert neghen en_ @ tneghentich des woensdaghes na zinte peters en_ pouwels dach apostolen