Corpus Van Reenen-Mulder (CRM14): Oorkonde E728r39101

@ @ Alle den ghenen die dezen brief zellen zien of horen lezen doe ic vestaen @ aernt van + der mate scoute in + den gherechte van bunnic dat voer mi ende voer die lantghenoten ende buere die hijr na bescreuen staen @ quamen jnt gherechte jacob de langhe ende tydeman ziin zoen Ende toenden aldaer twe opene + brieue gans ende gaue ende wel bezeghelt mit zeghel eens eerzamen vaders in gode haren florens bisscop tutrecht ende mit zeghelle der capitulen der merre kerken sinte saluatoers sinte peters sinte iohans ende sinte marien der kerken tutrecht onghecanselleert ende ongherazeert daer die een brief of spract @ van woerde te + woerde aldus / (onleesbaar) Ende die ander brief spract @ van woerde te + woerde in dezer @ manieren (onleesbaar) Mede toende tydeman voerzeyt enen opene + brief gans ende gaue @ ende wel bezeghelt mit zeghel eens eerzamen prelaten meyster aernt pots deken tot zinte peter tutrecht onghecanselleert ende ongherazeert sprekende van woerde te + woerde aldus (onleesbaar) doe dat ghedaen was aldaer zo begheerden jacob de langhe ende tydeman ziin zoen voerscreuen eens oerdels of die zeuen morghen lants voerscreuen @ alzo vry ende alzo los waren des dekens ende jacobs vorghenoemt dat zi die mochten verzetten verzellen ende den vryen eyghendom of~gheuen dien zi wouden ende hem wart ghewiist mit rechte ende mit @ oerdele dat ziit wel doen mochten ouermits den brieuen voerscreuen die zi ons ghetoent hadden ende dat die ghifte mit rechte stadicheyt hebben zel behouden elker~malc ziins rechts Ende aldaer @ zo gaf jacob de langhe voerzeyt voer hem zeluen ende tydeman voerzeyt gaf van des dekens weghen voerscreuen alzo alze hi ghemachtich @ is haren gherijd rogghemosschaec preester tot behoef der cureyten @ enter ghemeenre ghezellen die gherent ziin in + der kerken van buerkerc voerzeyt den eyghendom van + den zeuen morghen lants voerscreuen ende verteghen daer of tot behoef der cureyten enter @ ghemeenre ghezellen voerscreuen alze recht ende oerdele wijsde dat zi sculdich waren te + doen endet mitten rechte stadicheyt hebben zel / hijr waren ouer ende ane daer dit ghesciede peter iohan @ scoen~heynen zoens zoen henric knippinc aernt sciue ende henric wilgeer lantghenoten ende buere in + den gherechte voerscreuen ende anders veel goeder lude Ende op~dat dit @ vast ende stade bliue zo hebben wi aernt van + der mate scoute peter iohan scoen~heynen zoens zoens @ henric knippinc ende aernt sciue voerscreuen onze zeghelle aen dezen brief ghedaen tenen @ orconde ouer ons zeluen ende ouer henric wilgeer voerzeyt om ziinre bede wille Ende want ic henric wilgeer voerscreuen op deze tijd zelue ghenen zeghel en hebbe zo orconde ic dit @ ende tughe onder dezer vorghenoemder zeghelle want ic hijr mede ouer ende ane was daer dit ghesciede alze hijr voer bescreuen staet ende hebbe hem ghebeden dit mede ouer mi te @ bezeghellen ghegheuen jnt jaer ons heren duzent dre + hondert een ende tneghentich op zinte victoers dach : -