Corpus Van Reenen-Mulder (CRM14): Oorkonde E731r38201

@ @ Alle den ghenen die desen brief zelle_ zien of horen lezen Doe jc verstaen wouter van ryninghen @ Coster jn nederlangbroec dat jc ghehuert hebbe voer mj en_ voer miin erfname_ waer ic doot / teghen @ den Cureyten der kerken van buerkerke tutrecht en_ teghen de ghemene priesters die ghereynt ziin @ in + der voerseyder kerken . drie marghen lands die gheleghen ziin in + den kerspel tot Coten in dat overriinsche velt streckende mit den ene_ eynde aen de hooftweteringhe / egghen en_ eynden mit alle hoeren toebehoren als zi gheleghen ziin / tien jaer lang naest @ come_de na den datu_ des briefs elx jaers om vier goede oude ghulden vrancriicsche scilde goet van @ goude van volre ghewichten ende van gherecht_ mu_ten des Coenincs van vrancrike en_ om vier goede @ pachthoenre of die weerde daer voer aen andere_ goeden paymente daer + men deze voerseyde oude @ scilde voer weerdicht tutrecht in + de wissel in betalinghen in elker tijt der betalinghe . en_ te + betalen @ jaerlix de ene helfte van + den voerseyden ghelde mit den hoenren voers_ op sente martiins dach @ in + den wiint_ ente ander helfte op sente peters dach ad cathed_m of binne_ viertien + daghen na elken @ termine voers_ onbegrepe_ Ende alzo voort jaerlix dese voerscreue_ tien jaren wt duerende @ Voort ziint vorwaerde dat jc of miin erfname_ waer ic doot den tins die op desen voerseyde_ @ lande leghet jaerlix zel betale_ buten der heren scade of cost voerscr_ dese voerseyde jare_ @ wt / sonder arch Ende op~dat dit vaste ende stade bliue ende onverbroken zo hebbe ic wouter @ van ryninghen voergh_ ghebeden arnout van lunenborch minen neve dat hi dese brief over @ mj bezeghel @ mit sine_ zeghel ter orconde want ic op dese tijt zelve gheen zeghel en hebbe . Ende @ jc arnout van lunenborch knape voers_ hebbe om beden wille wouters van ryninghen miins @ neven voerscreue_ desen brief over hem bezeghelt mit mine_ zeghel alse tot ene_ orconde @ der hueren ende vorwaerden voerghenoemt . ghegheuen jnt jaer ons h_en dusent drie @ hondert twe en_ tachtich op sente lambrechts avont m_