Corpus Van Reenen-Mulder (CRM14): Oorkonde F066p38001

. . JC Alfer van + der A . jn + dier tiit Scoute tot vollenho make Cond allen luden / dat vor mij ghecomen ziin in tgherichte daer jc stoent in enen ghehegheden heymale Rolof bijwesten Aliid ziin echte wiif en_ hebben vor hem en_ vor hore Erfname_ opghedraghe_ en_ vercoft / draghen op en_ vercope_ mit desen breue Alberte lubben en_ ziinen rechten Erfname_ enen haluen Emmer boteren erflike / alle jare te heffen ende te boren op alre hilighen dach wt johans gude ten brinke op dien d˚nen daer hi ? op woent daer an die zuyt~zide naest gheleghen is Cuynringhe~g˚de / en_ an die noertzide naest ghelant is Arnd stratemaker / om ene Su_me gheldes die Albert vors_ roloue en_ Alide vorg_ wel betaelt heuet / also dat na deser tiit en_ data deses briefs rolof Aliit en_ hore Erfg_ vors_ niet rechtes en hebben an des_ vors_ bot_ en_ schelden sij erflike vri en_ quiit vor hem en_ hore Erfg_ toe behoef Alberts lubben en_ zine_ Erfg_ zonder arghelist hiir weren an en_ ou_ alse Coornoten Arnd morreaen hughe Cock Coep valike Diddeken Euert ten Calu_camp wigher d˚ninc Alb_t scomak_ en_ anders veel guder lude jn orco_de deses briefs wa_t jc alf_ van + der . A . ouer dese vorwarde ghestaen heb als een richt_ zo heb ic om mere vestnisse en_ om bede wille van beiden siden dese_ brief ope_ bezeghelt mit mine_ zeghel Gheg_ jnt jaer ons heren duzent drie + hondert en_ tachtentich op zante Agaten dach