Corpus Van Reenen-Mulder (CRM14): Oorkonde F085p39801

JC seyne mulard in der tijt Richt_ tot hasselt doe kundich alle_ lude_ dat vor my gecome_ is jnt gerichte en_ in ene_ gehegede_ heymael en_ vor gerichts~lude hiir na bec_ue_ Roloff Comhaer en_ geliede des dat hi vor he_ en_ vor sine erfgen_ erflic vercocht heeft stedes erfcops O_me ene su_me gheldes de em vol en_ al betaelt is werner gri_men en_ zine_ erfg_ erflic viiffde + halff pond siaers de Gerardus Ruering plach to hebbe_ vyt de_ erve en_ lande gehete_ ten cote als dat gelege_ is in de_ kerspel va_ hasselt binne_ der zede en_ vyt hessels erve en_ lande van tyuer joha_ zelle_ en_ henric Ravens / oec in de_ selue_ kerspel binne_ een zede gelege_ daer dese pacht oec vyt + gaet to betale_ alle jaer op sante merte_s dach in de_ wint_ to pacht~rente mit paym_te daer me_ de_ h_en va_ de_ lande jaerlix sine pacht mede betale_ mach en_ hi leet wern_ vors_ e sine_ erfg_ dese vors_ jaerre_te vor my op in de_ selue_ gerichte en_ ver~teech daer aff mit ordel en_ mit rechte e lauede he_ de to ware_ vor he_ en_ vor sine erfg_ en_ vor alle de ghene de des to rechte come_ wille_ sond_ argelist hiir w_en auer en_ an alse gerichts~lude h_man scuit henricus de oelde en_ and_s voel guede lude jn oerkunde des brieffs mit myne_ zegel seyne_ Richt_s vors_ o_me bede wille Roloffs vors_ Geg_ jnt jaer ons h_en duyse_t drie + hondert acht en_ neghentich op sante vitus dach