Corpus Van Reenen-Mulder (CRM14): Oorkonde F089p36801

Allen luden de dezen breef zolen zyen / of hoeren lezen / doe jc coep reyghers zoene van yselmuden / kunt / Ende kenlic / Dat jc vercoft hebbe henrick van oenden minen neven / vmme eene summe ghelds de my witlike / ende wal betaelt js / den eweghen tins / van eenre haluer hoeve laendes / gheleghen vp campervene by~zuden der kerken / daer herman heyne hennickens zoens broeder nv ter tiit vppe zit . Ende den tins van den hoylande vp wilsemer over dat reyghers~maden gheheten js / mit alle zinen toe~bihoerne / alzoe als dat reygher coeps zoene van yselmuden / minen vader plach toe bihoerne / Ende vertye die voer my / Ende mine Erfghenamen jn dezen breve / hier waren over Ende an / daer dese coep ghescyede / bertolt daer~boven / Ende jonge johan de brune / al arghelist wt~gheseghet / Jn Oerkunde / Ende vp~dat deze tins voers_ / henricke ende zinen erfghenamen voers_ vast zy / zoe hebbic / coep voers_ / miin zeghel an dezen breef ghehanghen / jnt jaer vns heren / dusent Drye hondert / + achte ende sestich / vp vnser vrouwen dach toe lichtmissen