Corpus Van Reenen-Mulder (CRM14): Oorkonde F089p39301

JC iohan voerne schulte in + der tiit in + den kerspel van yselmuden doe kont allen luden jn desen openen brieue dat voer mi ghecome_ siin daer ic sat te gherichte in enen ghehegheden heymael . harman waersouwe ende elle siin echte wiif mit oeren ghekoernen momber alse mit harman vorscr_ die oer al~daer ghegeuen waert als ordel ende recht wisede Ende bekande_ dat si voer hem ende voer oer erfg_ mit gueden beraede ende mit moetwillen rechtelike ende redenlike in enen rechten steden erfcoepe erflike ende ewelike te besittene voer een edel eyghen vercoft hebben . bruyn gheerlofs soen ende betten sine_ echte_ wiue ende oeren erfg_ . Twelf morghen landes gheleghen in mastebroeke in + der elst . daer bouen bi ghelandet is Aernt slebile . ende beneden heyne clumpener mit dike mit damme mit weteringhe mit torue mit twighe mit weyde mit water mit weghe mit velde mit alre slachter n˚t ende mit al sinen tobehoeren alst daer gheleghen is Om een su_me gheldes die hem bruyn ende bette vorscr_ wittelike ende wal betaelt hebben . als harman ende elle vorscr_ voer mi bekande_ in + den seluen gherichte . Ende droeghen bruyn ende betten vorscr_ ende oeren erfg_ die twelf morghen landes vorscr_ voer mi op ende ghenghen der vyt ende verteghen daer van als ordel ende recht wisede Ende loueden bruyn ende betten vorscr_ ende oeren erfg_ die twelf morghen landes vorscr_ te waren voer een edel eyghen . voer al die ghene dies te rechte comen willen . woe si hem dies te rechte waren zoelen . hier waren ouer ende an als koernoeten en_ gherichtes~lude Claes van + den sonnenberch egbert spaen dirc van + den sonnenberch ende anders veel gueder lude tughe die hier to gheropen ende ghebeden worden al arghelist wt~gheseget jn orconde der waerheit soe heb ic iohan schulte vorscr_ mijn seghel aen desen brief ghehanghen om beden willen van harman ende ellen vorscr_ Ende om der meerre vestenisse willen soe hebbic harman vorscr_ voer mi voer ellen miin echte wiif vorscr_ ende voer onse erfg_ mijn seghel mede aen desen brief ghehanghen op~dat alle punten vorscr_ stede en_ vast zoelen bliuen ende onverbroeken Geg_ int iaer ons heren dusent drie + hondert drie ende neghentich op sante lucien dach