Corpus Van Reenen-Mulder (CRM14): Oorkonde F089p39501

JC iohan voern schulte in + den kerspel van yselmuden in + der tiit doe kont allen luden jn desen openen brieue dat voer mi ghecomen is daer ic sat to gherichte in enen ghehegheden heymael . bernt heynen soen ende aliit siin wittelike echte wiif mit oeren ghecoren momber alse mit bernde vorscr_ . die oer al~daer ghegeuen waert als ordel ende recht wisede . ende bekanden voer mi dat si voer hem ende voer oere erfg_ mit gueden beraede ende mit vrien moetwillen rechtelike ende redenlike erflike ende ewelike te besitten in enen rechten steden erfcoep . vercoft hebben wt enen edelen eyghen . wyse gherbert ende sinen erfg_ . enen haluen emmer gueder pacht~boeteren des iaers . wt oeren huys ende erue dat gheleghen is te grashorst . daer bouen naest gheleghen is henric van vrc . ende beneden alfer wolters soen en_ wt oeren camp landes die gheleghen is to grashorst . daer bouen gheleghen is alfer wolters soen . ende beneden claes van + der vecht streckende van + den weghe after An + den grauen . also als huys ende hof ende camp landes vorscr_ mit al sinen tobehoeren daer gheleghen is Te betalen dese boter vorscr_ alle iare bynnen campen kommer~vri in wyse gherberts huys daer hi in wonachtich is of in siinre erfg_ op sante michiels dach sonder enich vertrec Om een su_me gheldes die hem wyse gherbert vorscr_ witteliken ende wal betaelt heuet . alse bernt ende aliit vorscr_ voer mi bekanden in + den seluen gherichte . Ende droeghen wyse gherbert vorscr_ ende sinen erfg_ desen haluen emmer boteren des iaers voer mi op . Als ordel ende recht wysede . ende loueden voer hem ende voer oere erfg_ . wyse gherbert ende sinen erfg_ . desen haluen emmer boteren des iaers te waren ende huys ende hof ende den camp landes vorscr_ te waren voer een edel eyghen . voer alle die ghene dies to rechte comen willen . ende woe si hem dies te lant~rechte schuldich siin te waren hier waren ouer ende an alse koernoeten ende gherichtes~lude henric van vrc egbert van buere claes van + der vecht gosen ter vecht . ende anders veel gueder lude tughe die hier to gheropen ende ghebeden worden al arghelist wt~gheseget jn orconde der waerheit soe hebbic iohan voern schulte vorscr_ mijn seghel aen desen brief ghehanghen om beden willen van bernt ende aliden vorscr_ Ende omme der meerre vestenisse willen soe hebbic bernt vorscr_ voer mi voer aliit miin echte wiif vorscr_ ende voer onse erfg_ miin seghel aen desen brief ghehanghen op~dat alle punten vorscr_ stede en_ vast zoelen bliuen ende onverbroeken Gegheuen int iaer ons heren dusent drie + hondert viif en_ neghentich des saterdaghes na sante gheertruden dach