Corpus Van Reenen-Mulder (CRM14): Oorkonde F090p35901

Wy Dyderic Roede Sculte / Dyderic Klinghe en_ Aelt Schelewardt Scepene in Campen / doen kenlic en_ betoghen openbaerlic in desen brieue / Dat voer ons in Scultampt en_ Scependoem ghecoemen sin Herman van Monster en_ Ermghardt siin witlijke wijf / en_ hebben verliet en_ bekandt dat sij ontfanghen hebben van Gheredt van Oenden / dat Erue / gheleghen in Gheredts Straete van + der aa / alrenaest by Schele Gheredts huys dat hem aen~ghecoemen is van Goswijn van oenden sijnen heren / dat voers_ Erue te hebben tot enen rechten erue~tynse / als om Dry pont swart Payments daer men binnen Campen jaerlics erue~tyns mede betaelen magh / en_ een Menghelin wyns / Dien voers_ tyns en_ wijn jaerlics op Paschen / erflijken en_ ewelijken te + betaelen Gheredt van Oenden voers_ en_ sijnen erfghenamen / Voert Sullen herman en_ Ermghaerdt voers_ en_ oer erfghenamen mede hebben en_ waren Dry voete dijkes in + den Volmer / jn oerconde deser dinghe hebbe wy Dyderic Sculte / Dyderic en_ Aelt Scepene voers_ onse seghele om beden willen hermans en_ Ermgharde voers_ aen desen brief ghehanghen / Gegheuen int jaer ons heren Dusent Dry + hondert Neghen + ende + vijftich op Pyncst_en~auendt /