Corpus Van Reenen-Mulder (CRM14): Oorkonde F090p35902

Wy Dyderic Roede Sculte / Dyderic klinghe ende Aelt Schelewardt Scepene in Campen doen kenlic en_ betoghen openbaerlic in desen brieue Dat voer ons in Scultampt en_ Scependoem ghecoemen sin Tydeman van Scuttorp / en_ Nenne siin witlijke wijf / en_ hebben verliet en_ bekandt / dat sij ontfanghen hebben van Gheredt van Oenden / dat Erue gheleghen alre~naest johan van + den Vene ter Nyer Straeten wart / dat te hebben tot enen rechten erue~tynse / als om Dry pont swart payments daer men binnen Campen jaerlics erue~tyns mede betaelen magh / en_ een Menghlin wijns / dien voers_ tyns en_ wijn jaerlics op paschen erflijken en_ ewelijken te + betaelen Gheredt van Oenden voers_ en_ sijnen erfghenamen . Voert Sullen Tydeman en_ Nenne voers_ en_ oer erfghenamen mede hebben en_ waeren Dry voete dijkes in + den Volmer jn oerconde deser dinghe hebbe wy Dyderic Sculte / Dyderic en_ Aelt Scepene voers_ onse Seghele om beden willen Tydemans en_ Nennen voers_ aen desen brief ghehanghen / Gegheue_ int jaer ons heren Dusent Dry + hondert Neghen en_ vijftich / op Pyncst_en~auendt /