Corpus Van Reenen-Mulder (CRM14): Oorkonde F090p37901

Wj jacop Seynen soen ende johan de bruyne Scepen in Campe_ doen allen luden dat Elle collen vor ons bekant heft dat sie ende oere erfg_ een erftinse jarlix zien wt oeren huus en_ were als de gheleghen sin te bronop streckende van + der oelden straete an den borchwal Ghert borgher en_ zienen erfg_ twe pont tinsgheldes alle jare te betalen op sante Mertyns dach jn den winter onvertrect / mer van desen tinse voerscr_ sal Elle voers_ tot ? lijue jnnholden zes groete tinsghelds en_ wan sie niet langher en js soe sal + men Gherde voers_ oft ziene_ erfg_ den tins voers_ alinghe betale_ alse ? js sonder al arghelist jn oerconde dies briefs beseghelt mit onsen zeghele_ Geg_ jnt jaer ons h_en dusent drie + hondert neghen en_ tsoue_tich op sante Gregorys dach