Corpus Van Reenen-Mulder (CRM14): Oorkonde F090p37902

WJ Jacop Seynen soen ende Johan de bruyne Scepen in Campen doen cont allen luden dat Elle Collen vor ons bekant heft dat sie en_ oere erfg_ ten erftinse Jaerlix schuldich zien wt oeren huus en_ were alse de gheleghen sin te bronop streckende van + der oelden straete an den borchwal Foysen collen ende oeren erfg_ twe pont tinsghelds alle Jare te betaelen op sante Mertyns dach jn den winter onvertrect sonder al arghelist Jn oerconde dies briefs beseghelt mit onsen zeghelen Geg_ jnt jaer ons h_en Dusent Drie + hondert neghen en_ tsouentich op sante Gregorys dach