Corpus Van Reenen-Mulder (CRM14): Oorkonde F090p38401

Wj herman buydel en_ Johan van + den Thoerne Scepen in Campen doen cont alle_ luden dat Johan van schoenhouen vor ons bekant heft dat hi vor hem ende vor ziene erg_ ghetinset heft erfliken van Claes lechtenberghe en_ van zienen erfg_ Een Erue gheleghen te bronop en_ gheheten bolen~bomgharde streckende van + der Ryet in de ysel Jarlix om drie oelde schilde en_ om een quartier van eenen oelden schilde guet van gholde en_ gherecht van ghewichte oft guet ghelijc payment daer vor an gholde alle Jare te betalen op paeschen onvertrect sonder arghelist Jn oerconde dies briefs beseghelt mit onsen seghelen Geg_ jnt jaer ons h_en dusent Drie + hondert vier en_ tachtentich des zatersdaeghs nae sante jacops daghe