Corpus Van Reenen-Mulder (CRM14): Oorkonde F090p38501

Wj Roelf de witte ende Aelt dobbeler Scepen in Campen doen cont allen luden dat Conraet godeuards soen vor ons bekant heft dat hi vor hem en_ vor ziene erfg_ ghetinset hebbe erfliken Een huus ende Erue gheleghen in den haghen tusschen Jacop johans soen ende Arnde van wagheni_ghen streckende van + der oelden strate an hern hughen huus jarlix om dardenhaluen oelden vrancr_ schilt guet van gholde en_ gherecht van ghewichte oft de werde daer vor an gholde Alle jare te betalen op Meydach onvertrect sonder arghelist Jn oerconde dies briefs beseghelt mit onsen seghelen Geg_ jnt Jaer ons h_en Dusent Drie + hondert vijf en_ tachtentich des dinxedaeghs te pinxstern