Corpus Van Reenen-Mulder (CRM14): Oorkonde F090p39101

Jc liefman lubberts soen doe kont allen luden jn desen openen brieve dat ic voer mi ende voer mijn erfg_ mit gueden berade ende mit moetwillen rechtelike ende rendenlike erflike ende ewelike vercoft hebbe der memorien~altaer in onser vrouwen kerke twe pont tins~gheldes des iaers . wt mynen huse ende erve dat gheleghen is in + den haghen bi der breder steghen . tusschen kersteken heleghe~dach opwert an ende lude dibbolts soen wtwert an Te betalen alle iare op paesschen sonder vertrec . om een su_me gheldes die mi wittelike ende wal betaelt is . al arghelist wt~gheseget jn orconde der waerheit soe heb ic liefman vorscr_ voer mi ende voer mijn erfg_ mijn seghel aen desen brief ghehanghen Geg_ int iaer ons heren dusent drie + hondert Een ende neghentich op sante peters dach ad cathedram