Corpus Van Reenen-Mulder (CRM14): Oorkonde F090p39103

Wj pelgrim voerne en_ henric clinghe Scepen in Campen doen cont allen luden dat johan de wayer en_ lobbe zien witlike wijf vor ons bakant hebben dat si vor hem en_ vor oere erfg_ ghetinset hebbe erfliken van lyse borghers en_ van oern erfg_ Een huus en_ erve gheleghen te bronop in der groeten strate tusschen lamberte van Tybberghen ende peter poppeken streckende achter an de weteringhe Jaerlix om vier tinspont alle jaere te betalen op sante Mertyns dach in den winter onvertrect Sonder al arghelist In oerconde dies briefs beseghelt mit onsen seghelen Geg_ int jaer ons h_en dusent drie + hondert een en_ neghentich op sante Margareten Auent