Corpus Van Reenen-Mulder (CRM14): Oorkonde F090p39104

Wj pelgrim voerne en_ henric clinghe Scepen in Campen doen cont allen luden dat lyse borghers vor ons bekant heft dat si vor oere en_ vor oere erfg_ vertinset hebbe erflike_ Johan dien wayer en_ lobben zienen wiue en_ oern erfg_ een huus en_ erve gheleghen te bronop in dier groeten strate tusschen lamberte van Tybberghen ende peter poppeken streckende achter an de weteringhe Jaerlix om vier tinspont Alle jaere te betalen op sante Mertyns dach in dien winter onvertrect Sonder al arghelist Jn oerconde dies briefs beseghelt mit onsen seghelen Geg_ jnt jaer ons h_en dusent drie + hondert een en_ neghentich op sante Margreten Auent