Corpus Van Reenen-Mulder (CRM14): Oorkonde F090p39201

JC Sweder van Rechter doe cont allen luden dat ic vor my en_ vor myne erfg_ ghesekert en_ ghelouet hebbe an gueden trowen bi onser eere dat Joncfer johan van verne_borch myre zuester dochter den ersame_ bescheyden luden Scepen en_ Raet in Campen te behoef oers oelden heylighen gheysts huus in oer stat de Achtien morghen lands gheleghen in mastebroke en_ ghesleghen op de heylighe haue tytersem de ic hem vercoft hebbe afstaen sal al oers rechts en_ onrechts oft oer erfg_ also dat de Achtien morghe_ lands vors_ si oft nemant op te seggen hebben soelen En_ waert dat enich ghebiet daer in velle dat dies niet en gheschede alse voers_ is / soe sal ic oft mijne erfg_ mit ons selues lyuen bynne_ ? daghen na mani_ghe dier Scepe_ en_ Raeds voers_ mit oern boden ghedaen an mynen oft mire erfg_ mont oft an dat huus te rechter en_ niet vorder si en willent doen te Campe_ in te comen bi der pene der louede vors_ en_ daer niet hen noch vyt te scheyden enighs synnes ic oft mijne erfg_ en hebbe_ irst dat ghebrec en_ besprec alinge afghedaen vryet en_ gheslichtet sonder al arghelist Jn oerconde dies briefs beseghelt mit myne_ seghel Geg_ int iaer ons h_en dusent drie + hondert twe en_ neghentich op sante Paulos dach co_uers__