Corpus Van Reenen-Mulder (CRM14): Oorkonde F090p39301

Wj Euert boeze en_ jacob ludekens soen Scepen in Campen doen cont allen luden dat Alard daems soen en_ Alyd sin wytlike wyf voer ons bekant hebben dat Tideman coeps soen en_ sine erfg_ jaerlix en_ erflike hebben wyt oeren huys en_ erue gheleghen in dien haghen tusschen lubbert ouerdijc wtwert an en_ Willem gherts soen twe pont tinsgheldes . Alle jaere te betalen in dien vier heilighen daghen te Paeschen onvertrect beholden elckermalc sins tinses en_ rechtes sonder al arghelist Jn orkonde dies briefs beseghelt mit onsen seghelen Geg_ int iaer ons heren dusent drie + hondert drie en_ neghentich des zaterdachs na ons heren hemeluards dach