Corpus Van Reenen-Mulder (CRM14): Oorkonde F090p39701

WJ Jacob seynen soen en_ Goessen van Campen Scepen in Campen Doen kond allen luden dat Engbert scriuer voer ons bekant heeft dat hij voer hem en_ voer sine erfg_ ghetinset heft erflike van Arnt meyster mannarts soen dien barbier en_ van sinen erfg_ een erue ghelegen in + der groenstraeten tusschen Godeken steenmesseler en_ Roelf voesken streckende van + der weteringhe achter an arntz voers_ dwers~erue also langh als Godekens en_ Roelfs voirs_ erue n˚ ter tijt sin dair zij die paele ghesteken hebben . Jaerlix om Twe pont Tinsgelts alle Jaere te betalen in + den vier heyligen daghen te paeschen en_ om eene vette ghans alle jaere te betalen op sante mertijns auent in + den wijnter onvertrect beholdelijc elkermalc sijns voertinses sonder al argelist Jn orkonde dies briefs besegelt mit onsen segelen Geg_ int jaer ons h_en dusent drie + hondert Seuen en_ tnegentich op sante mathys auent